An dr Fasnacht hänn mer nonen eedle Fasnachts-Unterschlupf uff em Martinskirchblatz. Do findet au unseri Ladäärnevernissage am Lambbesunntig, s Nachtässe am Zyschdig mit vyyle Schnitzelbängg und au s Moorgenässe nonem Ändstraich statt.

Adrässe: Martinskirchblatz 2, 4051 Basel

An dr Angestainerstrooss isch unsere aigene Käller, wo me aber nit musiziere daarf. Derfüür dien mer doo d Ladäärne und s Requisit zämmebaue und als no anderi Sache bäschele. Dr Käller dient au als Lager fyr die alte Ladärnesyte und Dambuurmajorlarve.

Adrääse: Angestainerstrooss 38, 4052 Basel (im Hinterhoof)

 

Syt 2001 iebe mer als Gaschtglygge im alte Sans-Gêne-Käller "Zer alte Dante" (dr eltscht in Basel!). Unseri Pfyffer und Dambuure iebe jewyyls amene Zyschtig und hänn s aaschliessend no rächt gmietlig.

Adrässe: Gärbergässli 30, 4051 Basel