„Die Alte, vorwärts, marsch!“ , wie lang
Hänn mir das nümme ghört, i blang,
I blang uff d Fasnacht, s fählt mer gruusig,
S pfyffe, s drummle, d Guggemuusig.
Wenns ändlich wider Vieri schloot,
Dr Zug grad hinter dr Lampe stoht.
Weisch wie verruggt aim s Härz denn klopft
Und s Wasser us den Auge tropft...
S wird nie e schöneri Fasnacht geh
Als die wo chunnt, du wirdsch es gseh!
Und nüd duet störe, nid e Bitz,
Kei Druggete, kei Fotiblitz,
Au keine vo de falsche Tön,
S isch eifach nur no wunderschön!
I glaub, sogar dr Rossignoll
Isch nach dere Pause toll!
S neggscht Johr denn, s neggscht Johr im Merz,
Do heissts denn wider, ohni Scherz,
„S isch wider Fasnacht!“ D Kneui wärde weich
„S isch ändlich wider Morgestraich!“
Weisch wie........

Das wundervolle Gedicht isch gschryybe vo dr Verena G. ©

D Nit-Fasnacht isch scho e Wuche här
Und immerno bluetet s Härzli schwär
Aber lueged doch e mole do
Was für tolli Fotis sin am Zyyschtig iinecho!
Allei, glich zämme hän mr Spagetti gässe
Und füre Moment unseri Sorge vergässe
Lueget in die Töpf und Täller
Fascht wie imme Cliquekäller
Mir hän uns über d Biiträg riisig gfreut
Und drum nommol e Resumé zämmegschtellt